|
Core marenaro
Povero core mio, nu marenaro,
campa ‘int’all’acqua e nun è piscatore
cerca e nun trova ‘a luce ‘e na lampara
se sta cecanno ‘int’all’oscurità.
Vuleva ‘o ddoce ma ha truvato ‘o ffele
e tutto avesse dato pe’ n’ammore
sta vita na nemica assaje crudele
luntano ‘o puorto cu’’a serenità.
‘Ncopp’a chest’onne stenta ‘a varca a pprora
e ‘a sera lentamente s’avvicina
povero e scunzulato spera ancora
ca l’eco d’’e ssirene ‘o fa arrivà .
‘Mpruvvisamente ‘o cielo se fa scuro
nu lampo, po’ nu tuono, na tempesta!
senz’anema stu core comm’è annuro
ma sbatte forte, nun se vò fermà.
‘E rimme se so’ fatte cchiù pesante
‘a varca affonna e nun le pare overo
se vò salvà, ma nun ce stanno sante,
... e scunzulatamente se ne va...
Faccella nera
‘O juorno, tutte ‘e juorne,
vicino a nu semaforo staje là,
‘mmiscanno ‘a famma toja cu’ chesta famma,
dicenno, cchiù ’e na vota, vu’ cumprà?
Chisà ‘a qua parte d’Africa tu viene,
pizzo d’’o munno povero e stramano,
cu’ n’atu Dio, cu’ n’ata tradizione,
cu’ l’uocchie fute e na faccella nera.
Staje là ch’aspiette
vide ‘e passà migliare d’automobbile
pienze ca simme ricche ma nun saje
che dint’a sta rammera ce stà ggente
ch’adda fa ‘e zumpe, ogn’ora e ogni mumento,
pe’ cercà ‘a strada pe’ tirà a campà?
Nun stive meglio dint’’a terra toja?
Che sarrà avara, che sarrà matregna,
che sarrà triste quanno scenne ‘a sera
ma quanno è l’alba ‘o sole ‘nfoca ancora
appiccianno ‘a speranza ‘e nu dimane.
No, rieste llà,
dint’a chesta città che stà chiagnenno
‘a secule cu’’e llacreme ‘e na mamma
che chiagne pecché nun po’ sfamà ‘e figlie
ca comme a tte se ne so’ ghiute fore
ca comme a tte forze stenneno ‘a mano
chisà ‘int’a quà paese furastiere
cu’’a faccia janca ma cu’’a sciorta nera
cchiù nera d’’a faccella ca tu tiene
pecché ‘a miseria nun tene culore
nun tene razza o patria, è senza core!
Na puttana
Tutt’’e notte ‘o stess’angulo ‘e via
tutt’’e notte cu’’a stessa paura
‘o vi’ lloco, ‘a sirena, ‘a quistura,
però nun s’arrenneva steve là.
Sapeva ‘e fele ‘o ppane c’abbuscava
sapeva ‘e chianto e nun se lamentava
pure si cchiù ‘e na vota quaccheduno
‘a vatteva, accussì, senza pietà.
E quanno capitava nu “cliente”
ca vuleva fa cose malamente
essa diceva ‘e si, strignenno ‘e diente,
penzanno chesta è ‘a vita, aggia campà.
E quanta vote po’ sentenno ‘a ggente
ch’’a rinfacciava d’essere “puttana”
nun rispunneva, nun diceva niente,
puteva maje negà na verità?
E mo sta stesa ‘nterra , miez’’a via,
‘o cuorpo marturiato ‘e curtellate,
nun se sape chi è stato e c’è chi dice:
“Na disgraziata chesta fine fà.”
Ma tre criature sole ca nun sanno
quanno è fetente e puzzulente ‘o munno
‘int’a nu lietto aspettano pazzianno
chi faceva ‘a puttana p’’e sfamà.
Lusinga
Ma pecché chesta maschera antica,
‘o calvario d’’e vasce,
sti chiuove d’’e viche,
sta croce, sti criste
ca cercano aiuto
‘a quanno sta Napule è nata.
Pecché sta ferita
nun s’è maje sanata?
Chi l’ha scritto, chi ha ditto
che s’adda suffrì
pe’ tirà na iurnata cu’’e diente
pe’ stentà na iurnata alluccanno
strillanno: Pietà!
Pietà a na Madonna
ca tene ‘int’all’uocchie
‘o culore d’’e stelle,
pietà, pietà a Dio
ch’è ‘o cchiù saggio d’’e sagge,
ch’è divino, ch’è giusto,
ma nun vede, nun sente,
e si vede pecché
nun ‘a cagna sta faccia
signata d’’ò tiempo,
nu tiempo nemico,
ch’ha smurzato ‘e speranze
e lusinga...
Ogne juorno che passa
cu’’a morte ‘int’’o core,
c’’o chianto ‘int’all’uocchie,
lusinga...
Cristo Napulitano
Ce site state maje
dint’a sttu vascio
sgarrupato e viecchio
scavato dint’’e pprete
addò l’ummedità trase ‘int’’all’osse.
ce site state maje
dint’a nu vascio?
Na tavula tarlata
cu’ quatto segge ‘e paglia
na branda militare
n’armadio rusecato
e ‘a famma, tanta famma,
patuta juorno pe’ ghiuorno,
pe’ quanno po’ durà nu calannario
accumminciata già quanno se nasce
sufferta e ogne mumento ‘e stu calvario.
Cristo che campa
senza cchiù Dio
stanco d’’a vita
stanco d’’a morte
stanco...
Sempe accussì
‘a primma ‘e Masaniello,
l’unica nuvità
è na televisione
che fa vedè ricchezze scanusciute
case, cummedità, magnà, visone...
Ce site state maje
dint’a nu vascio?
guagliune annure, femmene ammusciate,
puzza d’ummedità, tanfo ‘e sudore,
nu pizzeco ‘int’’o core, nu squallore.
Chest’ è ancor’ogge Napule,
‘o mare, ‘o sole, ‘a vita assaie luntano
e ‘a croce ch’è pesante
p’’o Cristo senza Dio Napulitano.
Cronaca
E tutt’’e juorne ‘a stessa tiritera
sulo disgrazie maje nutizie allere
uommene accise spisso a tradimento
senza pietà, senz’ombra ‘e pentimento.
‘A droga,’o cuntrabbando, l’estorsione,
s’allargano pe’ tutt’’e vvie d’’o munno
pe’ tutt’’e rrazze e tutt’’e rreliggione,
l’umanità scenne sempe cchiù ‘nfunno.
Qua’ Pasca, qua’ Natale cà è n’inferno
manche dint’’e cunviente ce stà ‘a pace
chisà che sta facenno ‘o Pataterno
vurria saperlo pe’ mme fa capace.
Ma forze nun ci’azzecca simme nuje
c’avimmo perzo ‘o bbene d’’a cuscienza
‘mpietto tenimmo ‘o ffele ca ce struie
e ‘a ‘mmeritammo chesta sufferenza.
‘A vita è dono ‘e Dio diceva ‘o nonno,
povero viecchio comme se sbagliava,
chesti criature d’ogge comme ponno
campà comme na vota se campava.
Ogge chesto àdda scrivere ‘o pueta
senza truvà nè pace nè arricietto
si guarda annanze e si s’avota areto
nun po’ truvà nisciuno atu suggetto.
‘Ncopp’a nu foglio ‘e carta ‘nfuso ‘e chianto
mette ‘a cronaca d’ogge pecché è storia
‘e chisti vierze nun se ne fa vanto
so’ sultanto parole senza gloria!
© Luciano Somma, da “Cristo Napolitano” (Inediti Editore)
Il libro
Prefazione di Emiliano Cribari:
È stata una forte emozione, da non napoletano (ma pur sempre da buon
conoscitore e da amante del Sud), lasciarsi scivolare sulle punte
delle note disegnate da Luciano. Perché a mio parere è proprio di
note che si deve parlare, prima ancora che di poesie. Tantissime,
quasi infinite note che tramano un corpo di melodiosa poesia,
recitata dalla svenevole voce di un dialetto - quello napoletano,
appunto - che, soprattutto se espresso così, con tanta e tale
maestria e sensibilità anche formale, già di per sé possiede il dono
prezioso di sapersi (e potersi) infilare fra le pieghe più recondite
e sconosciute del cuore.
Parlare della poesia di Luciano, comunque sia, non è facile. Su di
lui, infatti, è già stato scritto tanto e ancora tanto, ne sono
convinto, sarà scritto in futuro. D’altra parte chi meglio di lui,
oggi, in Italia, sa raccontare ‘o sole e ‘o vico, e le milioni di
espressioni di uno stesso “Cristo napulitano”, un Cristo tutto fatto
d’umori, e passioni, e di gente comune? Di gente, soprattutto di
gente... Perché Luciano oggi è rimasto davvero uno dei pochi poeti
ancora in grado di rivelarci come la vera poesia - l’unica forma di
poesia possibile - nasca necessariamente dalla fonte inesauribile
del proprio quotidiano, e quindi fuori da ogni retorico artificio, e
di come essa parli solo e soltanto con le parole che gli occhi le
hanno insegnato, gli oggetti semplici che ha attorno a sé, le
immagini misere, magre e dimesse che l’umore del giorno corrente le
ha nel caso destinato. Luciano insomma è uno dei pochi poeti
contem-poranei che attraverso questa sorta di complicata semplicità -
semplicità tutta fatta di slanci e di tristezze improvvise (com’è
improvviso e allucinante il viaggio di un uomo) - riesce ancora a
tener stretta al proprio petto la dimensione popolare del verso, il
rapporto - oggi più che mai viscido e sfuggente - con l’oralità del
sentimen-to, con la storia. Ed è proprio attraverso la storia che
Luciano qui raccoglie tutta o quasi la sua gente (‘A Penzione,
Roccamonfina, etc…), forte di un denso e quasi cocciuto realismo,
nutrito spesso di immagini vive, corpose, comunque sempre intagliate
sullo sfondo di sentimenti pregni, traboccanti, a tratti addirittura
impensabilmente coinvolgenti - dalla tristezza d’amore (Mo ca tra
nuje, / ce ne stammo accurgenno / juorno pe’ ghiuorno, / è
addeventata cennere / l’estate / e fa paura / ‘a maschera ‘e
ll’autunno!) alla malinconia degli attimi che sfilano lisi nel tempo
(... E guardo ‘o mare / ‘nnanze all’uocchie / ‘a tristezza / ‘e na
pioggia d’autunno) a veri e propri slanci lirici tesi e penetranti
(e penso subito ai memorabili versi de L’artista), a tratti dai toni
cupi e onnubilati (“e’ arrossata pure l’acqua santa”) - spesso quasi
senza accenni di quietanza, margini di ripartenza, di quasi assenza
di Dio - a tratti invece dai toni decisamente più luminosi e
confortanti di un imminente riscatto, sia divino che formale (e
penso ai giochi di parole, alle trame ordite dalle rime, e così via).
Dunque perché commentare la poesia di Luciano?
Core marenaro, Faccella nera, Munno artificiale - tutte poesie che a
mio parere occorre leggere e basta - vuoi
per il raffinato e flessuoso dialetto che le danza, vuoi per la
grazia adolescenziale dei suoni - vuoi infine per
l’universalità dell’approdo - quel cuore aperto, cioè, che in
presenza del resto è matrice di pura poesia. (Emiliano Cribari)
Biografia
Luciano Somma è nato a Napoli il 18 marzo 1940. Centinaia i premi
ottenuti, numerosissimi primi premi assoluti, due volte medaglia
d'argento del Presidente della Repubblica. Inserito in moltissime
antologie, anche scolastiche, e nella prestigiosa “Nati per la vita”
stampata in Russia dall'edizione Raduca di Mosca dove figurano firme
come Quasimodo, Pasolini, Saba, Bevilacqua, De Filippo.
Iscritto all'albo dei giornalisti nell'elenco speciale, ha
pubblicato e pubblica sui periodici e sui quotidiani più importanti
d'Italia (oltre 150 testate). Paroliere iscritto alla S.I.A.E., dal
1967 ha all'attivo oltre 500 canzoni edite o incise.
Dal 1976 al 1990 ha condotto rubriche di poesie e canzoni in diverse
emittenti private e televisive. Per un paio di anni ha collaborato,
con rubriche varie, con Tele5 Napoli.
Nonostante studi irregolari, nel 1987 gli è stata conferita la
Laurea Honoris Causa in Lettere e Filosofia per chiari meriti letterari.
È presente in un numero imprecisato di siti web, diversi giornali e
periodici lo indicano come il poeta più presente on line. ll suo
nome figura, tra l'altro, in antologie come: "Dizionario storico dei
poeti italiani", “Poetica napoletana del Novecento”, “La poesia a
Napoli”, “Natale napulitano”. È presente dal primo anno nell'
“Agenda dei Poeti” (Edizioni OTMA di Milano).
Ha partecipato, e partecipa, in veste di giurato, a moltissimi
concorsi di poesia e narrativa.
Nell'ottobre del 2005 è stato ospite in RAI2, nella rubrica “Non è
mai troppo tardi”.
Ha pubblicato:
Ddoje voce ‘e Napule (Ed.La Commerciale, Napoli 1968)
La mia ricchezza (Ed. L’Araldo del Sud, Napoli 1971 - Ed.
www.ricordati.com 2001, eBook)
Dimane (Ed. degli Artisti, Napoli 1977-1978, I e II edizione)
N’atu dimane (Ed. Del Delfino, Napoli 1982)
‘E ggranate (Ed. Terre, Napoli 1990)
Musica nuova (Ed. Lo Stiletto, Napoli1993)
Momenti di versi (Ed. Montedit, Melegnano1997 - Ed.
www.ricordati.com 2001, ediz. telematica)
Memorie d’alba (Ed. Otma, Milano1999)
Brividi di ricordi (Ed. Oceano, San Remo 2000, I ediz. - Ed. Di
Salvo, Napoli 2000, II ediz.)
Cristo napulitano (Ed. Oceano, San Remo 2000, I ediz. - Ed. I Miei
colori, Pontassieve 2000, II ediz. - Ed. Inediti, 2001 – eBook)
Il pianeta dei silenzi –(Ed. Inediti, 2001 – eBook)
Ll’appuntamento (Ed. www.ricordati.com 2001, eBook)
Immagini (Ed. Menna, Avellino 2001)
L'alba di domani (Ed. I Miei Colori, Pontassieve 2003, e-Book - Ed.
Noialtri, Pellegrino 2005 con CD)
Omaggio a Napoli (CD con 11 Poesie napoletane recitate da Antonio
Mencarini)
Luciano Somma, da "Momenti di versi"
|
